බෝ පැළයක්...
මගේම කියලා තියේ මට ;
දවසින් දවස ආදරෙන්
නිලට නිලේ දළුදාන
අලි සයිස් ගහක්....
ගිම්හානෙක වුණත්
කොළ හැලිල හැඩි නොවෙන
බිඳුණු හිත සනසන
සැනසීම විතරක්ම මට දෙන
ආදරණීය ගහක්....
මං වෙනුවෙන් මල් පූදන
ඒ සුවඳින් හිත පුරවන
ආත්මයට සිහිල ඉහින
පිස්සු කෝළම් ගහක්....
මගේ හිත දන්න
දුකට ලග ඉන්න
මගේ දිවියට හුස්ම පිඹින
මගේම කියලා ගහක්.....
පෙරදාත් පැතුව
මෙදිනත් පතමින්
හැමදාමත් පතන
කාටවත්ම
සම කරන්න බැරි
ජීවිතේ ගැඹුරටම
සෙනෙහසේ
අක්මුල් විහිදුවන
මහ පුදුම ගහක්......
මගේ සිහින පරිස්සමට
අතු අස්සේ රැකගන්න
මගේම මගේම මගේම වුණු
රූස්ස ගහක්....
හැමදාම දැවටෙන්න හිතෙන
සෙවණින් මාව රකින
මේ විශ්වයේ තියෙන
පුදුම හිතෙන දේ......
ලියල නවතන්න
හිතෙන්නෙම නැති
කොච්චර ලිව්වත්
කියන්නත් බැරි
මටම හිතා ගන්න බැරි
ජීවිතේ හොඳම දේ....
මගේ මැජික් ගහ🌳
ලෝකෙටම එකයි
ඒක මං ගාව...........
