ටටා Bye

පෙර දවසක
උදෑසනක
පිණි ඉහිච්ච
සුවද පිරුණු

සුදුම සුදු

පුංචි මලක්
නෙලාගෙන මා
සක්මන් කළත්
පුද භූමියට....

මටත් නොදැනිම
හොරින් රහසින්ම

නොකියා නොදන්වාම​

ඩැහැගෙන ගොහින්

මගේ සුදු මල​

පුද බිමට ආ

තවත් එක් උපාසකයෙක්....

ඔහු නෙලා ගත් ලෙසට
මගෙ පුංචි සුදු මල
ඔහුගේ අත මතින්
සතපවන්නේ ය ඔහු
මල් අස්න මත
නංවමින් හඬ
සාධු සාධු සාධු......

නෙලුවාට මම මල

පුද දෙන්නා ඔහු විය​

කුසලයත් ඔහු නමටම විය​..

පුද දුන්නාට පසුව

අත ගස්වා ගෙන
අනුමෝදනයට
මසිත ඉඩ නොදේ..

සමාවන්න !!!

​

පෘථග්ජන සිත් ඇත්තෙමි..

එබැවින් ,

පන්සල් බිම අතැර යමි...