මගේ කෙල්ල

සිහිල් සුළං ගත දැවටෙන
සුමිහිරි රාත්‍රී යාමයේ    
මාගේ නින්ද සොරාගෙන 
මට ලංව කොඳුරන්නීය ඈ.....
පෙම් බස් වුවද ඒ
ඈ කොඳුරන්නේ ඇගේ බසිනුයි,
ඇගේ මුණුමුණුව මට.....
නොතේරුණ ද ඒ බස මට
මගේ තනියට මුමුණන්නට                                  
මිනිස් කෙල්ලක එන තෙක්
මා වෙනුවෙන් තනි රකිමින්
පෙමින් සෙනේ බස් කොඳුරන                                  
කෝඳුරු කෙල්ලේ...
ඔබට පිං 

Lයිfe Jourනිය

කඳුළු,සොටු,පොර බැදුම් මැද හඬ ගාන අඬහැරය                             දුව යමින්,හති ලමින් අප සොයන විල්ලුදය
සෝ සුසුම් නවතලා ගිමන් හරිනා දවස    
හමු වේවි අප සෙවූ හමුනොවූ ජීවිතය​     

                                                               

පිතු සෙනෙහස Vs ප්‍රේමය

පුදුමයකි...    
හමුවූ විට ඔහු - සිහියට නැගේ ඔබ
ආයාසයකින් නොව..නිතැතින් ම
වුවද ඔහු මට ලෝකයක් - ඔබයි මාගේ විශ්වය 
අතැර දමන්න එය..
එය නොවේ පුදුමය..මෙයයි.. 
දුටු විට ඔහු - මගේ සිහියට එන                                  
ඔබ මුව කමල දුටු විට
අමතකය ඔහු මට මුළුමනින්ම 
කුමක්ද මේ අරුමය...                                  
දැනේ මට දැන් දැන්..විඳින බැව් බව මා දෙනෙත්
පිතු ස්නේහයේ පහස..   
තාත්තේ...කියන්න මට
කොහොමද ඔහු මට ලෝකයක් වූ විට 
ඔබ මුළු විශ්වයම වුනේ ???                                                                                                                                                             

                       

කසාවත

අයෙක් පුදදෙයි - අයෙක් ගරහයි    
පිදුම් ද? ගැරහුම් ද? - දරන්නන්ටම භාරයි
කලියුගය එහෙමයි - බහුතරය අසාරයි 
සියල්ලන් වත් දරයි - එහෙත් මෙය උතුම් බැව් කිව මැනැයි 
කියූ කළ එකෙක් - අනෙකා ඒ කුමන වතදැ යි අසයි.
මනුසත්වයෝ - උතුම් පින්වත් වතක් වෙතොත් 
ඒ කසාවතයි - පිළි ලැබෙයි                                                                                                                                                                                                                                                                                                                                                                                                                 

යන්න

ස්ස්...මේ අහන්න....කෝ බලන්න
රිදෙව්වේ කවුරුන්ද ඔබව?
කනස්සලු වූ ඔබේ සිත
කැකෑරෙන කෝපයෙන්
පෙනෙනවා එය..සායම් බොඳව ගිය මූණෙන්
අවැසි නම් ගන්න..පලි ගන්න ඔහුගෙන්
යන්න..නොවලහා යන්න ඔබ
නික්මෙන්නට මත්තෙන්
ඔවදනක් දෙනු රිසියි මා..අසන්නට හැකිනම්
ගොස් බිඳින්න..අස්ථි සියල්ල වුව ඔහුගේ
206ක් වූ ඇටකටු තිබේ ඔහු සතුව
කැඩුණද කම් නැත..සුව කළ හැකි මං ඇත
සියල්ලම බිඳින්න අවැසි නම්
ඒත්..සිතන්නටවත් එපා බිඳින්නට හදවත
රිදෙව්වද ඔහු ඔබව
ඔහුට ඇත්තෙත් 1කි හදවත්
ඔව්...දැන් යන්න..